იტალიური ელეგანტურობის საიდუმლო — “ვესპას” კულტურული გავლენა

თუ მსოფლიოს ნებისმიერ წერტილში, დახვეწილი დიზაინის მქონე მოპედს დაინახავთ, დიდია იმის შანსი, რომ ეს “ვესპა” იყოს - უდიდესი ისტორიისა და გავლენის მქონე ბრენდთან. 

1946 წელს, მეორე მსოფლიო ომის შემდეგ, ენრიკო პიაჯიომ უამრავი ნაკლი შეამჩნია საზოგადოებისთვის ხელმისაწვდომ სატრანსპორტო საშუალებებში. ამავე წელს “ვესპას” პირველი დიზაინი შეიქმნა ავიაციის სათადარიგო ნაწილებისგან. იტალიელებმა მალევე შეიყვარეს ტრანსპორტი თავისი მცირე ზომისა და მართვის სიმარტივის გამო. 

მოტო მაღაზია “პიტსტოპ მოტო” ლეგენდარული ბრენდის ოფოციალური წარმომადგენელია საქართველოში. “ვესპას” მოპედის ყიდვა სწორედ ჩვენს შოურუმში შეგიძლიათ. 

“ვესპა” კინოში 

1953 წელი გარდამტეხი აღმოჩნდა ბრენდის ისტორიაში. ლეგენდარულ კინოფილმში, “რომაულ არდადეგებში” გრეგორი პეკისა და ოდრი ჰეპბერნის პერსონაჟები “ვესპას” მოპედით გადაადგილდებიან რომის ქუჩებში. ფილმმა მოპედი არამხოლოდ კომფორტის, არამედ თავისუფლების სიმბოლოდაც აქცია. 

“ვესპას” ისეთ საკულტო იტალიურ ფილმებშიც ვხვდებით, როგორებიცაა ჯუზეპე ტორნატორეს “Cinema Paradiso” და ნანი მორეტის “Caro Diario”. 

იტალიური ბრენდისთვის შესაფერისი დახვეწილი ჩაფხუტები ჩვენს შოურუმში შეგიძლიათ შეიძინოთ. ჩვენი რეკომენდაციაა, “ვესპას” მოპედისთვის ასევე დახვეწილი დიზაინის ღია ჩაფხუტები შეიძინოთ. 

ბრენდის ღირებულება

ბრენდის დაარსებიდან 10 წლის თავზე, 1956 წელს, პიაჯიომ მემილიონე ვესპა გაყიდა. ეს მაჩვენებლი სწორედ იმას ადასტურებდა, რომ შეიქმნა “ვესპას” კულტურა. ეს არ იყო მხოლოდ ტრანსპორტი, ეს იყო ჰობი. 

დღესდღეობით ბრენდს უამრავი მომხმარებელი ჰყავს მთელს მსოფლიოში, მათ შორის საქართველოშიც. ბრენდის მომხმარებლები კი "ვესპას" სტილის ერთგულები ბოლომდე რჩებიან.

“ვესპა” დღემდე რჩება იტალიური კულტურის ერთ-ერთ უმნიშვნელოვანეს სიმბოლოდ, რომელიც გვასწავლის, რომ ცხოვრებაში ყველაზე ღირებული რამ თავისუფლებაა.