Arai-ს ჩაფხუტები - ყველაფერი ბრენდის შესახებ

როდესაც საქმე მოტოციკლისტის უსაფრთხოებას ეხება, არსებობს ბრენდები, რომლებიც უბრალოდ სტანდარტებს კი არ მიჰყვებიან, არამედ თავად ქმნიან მათ. 

ჩაფხუტების იაპონური ბრენდი Arai სწორედ ასეთია. „პიტსტოპ მოტოში“ მიგვაჩნია, რომ ხარისხს ალტერნატივა არ აქვს, ამიტომ დღეს გვინდა დეტალურად გიამბოთ, თუ რატომ ითვლება Arai მსოფლიოში ერთ-ერთ ყველაზე საიმედო ჩაფხუტად.

R75 Shape – ჩაფხუტის იდეალურად მრგვალი ფორმა

Arai-ს მთავარი ფილოსოფია R75 Shape კონცეფციას ეფუძნება. ბრენდის ინჟინრებს მიაჩნიათ, რომ ჩაფხუტი უნდა იყოს მაქსიმალურად მრგვალი, გლუვი და მყარი.

ავარიის დროს ჩაფხუტი არა მხოლოდ დარტყმას იღებს, არამედ ზედაპირზეც ცურავს. რაც უფრო მრგვალია ფორმა, მით ნაკლებია შანსი, რომ ის რაიმე დაბრკოლებას გამოედოს. ეს კი თავიდან აგაცილებთ თავის მკვეთრ და საშიშ როტაციას. 

Glancing Off – დარტყმის ენერგიის არიდება

Arai-სთვის მხოლოდ დარტყმის შთანთქმა საკმარისი არ არის. მათი ტექნოლოგია ორიენტირებულია "Glancing Off" პრინციპზე - ეს არის უნარი, აისხლიტოს დარტყმის ენერგია და არ გაატაროს ის ჩაფხუტის შიგნით. 

ეს მიიღწევა უმტკიცესი გარსით, რომელიც ხელნაკეთია და მრავალეტაპიან შემოწმებას გადის.

ტექნოლოგიური უპირატესობები

Arai-ს თითოეული დეტალი მოტოციკლის მართვისას მაქსიმალური კომფორტისა და დაცვისთვისაა შექმნილი:

• VAS (Variable Axis System) -  ვიზორის დამაგრების სისტემა, რომელიც საშუალებას იძლევა ჩაფხუტის გვერდითი ნაწილები უფრო გლუვი და მყარი დარჩეს, რაც კიდევ უფრო აძლიერებს R75 სტანდარტს.
• მრავალშრიანი EPS (Internal Liner) - ჩაფხუტის შიდა ფენა დამზადებულია სხვადასხვა სიმკვრივის მასალისგან, რომელიც ერთიანი ჩამოსხმისაა. ეს უზრუნველყოფს ენერგიის თანაბარ გადანაწილებას დარტყმისას.
• ეფექტური ვენტილაცია -  Arai-ს სავენტილაციო არხები ისეა დაპროექტებული, რომ მინიმუმამდე დაიყვანოს ხმაური და მაქსიმალურად გაზარდოს ჰაერის ნაკადი, რაც გრძელ გზაზე დაღლილობას ამცირებს.
• ხელნაკეთი ჩაფხუტები - Arai-ს ყველა ჩაფხუტი იქმნება ოსტატების მიერ, რომლებიც წლების განმავლობაში ეუფლებიან ამ ხელოვნებას. 

რატომ უნდა აირჩიოთ Arai "პიტსტოპ მოტოში"?

Arai-ს ჩაფხუტის შეძენა არ არის უბრალოდ აქსესუარი, ეს არის ინვესტიცია თქვენს უსაფრთხოებაში. ბრენდის მიზანია შექმნას საუკეთესო მოტო ეკიპირება არა მხოლოდ ლაბორატორიული ტესტებისთვის, არამედ რეალური, გზაზე მომხდარი ავარიული სიტუაციებისთვის. Arai-ს დევიზია "განსხვავება დეტალებშია". და ეს დეტალები ხშირად გადამწყვეტი აღმოჩნდება ხოლმე.

შეგახსენებთ, რომ  ჩვენს შოურუმში შეგიძლიათ შეიძინოთ არამხოლოდ ჩაფხუტები, არამედ მოპედები, მოტო ეკიპირება, აქსესუარები და ნაწილები. 

Arai-სა და სხვა ბრენდების ჩაფხუტების შესაძენად გვეწვიეთ თბილისში, რაფაელ აგლაძის 11ა-ში!