როგორ შევარჩიოთ ჩაფხუტის ზომა სწორად: სრული გზამკვლევი უსაფრთხოებისთვის

მოტოციკლისტებისთვის ჩაფხუტი ყველაზე მნიშვნელოვანი აღჭურვილობაა. თუმცა, ყველაზე ძვირადღირებული ჩაფხუტიც კი გამოუსადეგარია, თუ ის თქვენი თავის ფორმასა და ზომას არ შეესაბამება. 

სწორად შერჩეული ზომა არა მხოლოდ კომფორტის, არამედ სიცოცხლის გადარჩენის გარანტიაა.

მოტო მაღაზია “პიტსტოპ მოტო” კი ამ ბლოგპოსტში ჩაფხუტის ზომის შერჩევის სწორ მიდგომებზე ისაუბრებს.

დაიწყეთ გაზომვით

ბევრს ჰგონია, რომ ჩაფხუტი ჩვეულებრივი ქუდივით უნდა მოირგოს, თუმცა ეს მცდარი შეხედულებაა. პირველი ნაბიჯი თავის გარშემოწერილობის ზუსტი გაზომვაა.

გამოიყენეთ მკერავის სანტიმეტრიანი ლენტი. მოათავსეთ ის წარბებიდან დაახლოებით 1.5 - 2 სმ-ით ზემოთ და გაატარეთ კეფის ყველაზე ამობურცულ წერტილზე.

მიღებული მონაცემი შეადარეთ კონკრეტული მწარმოებლის ზომების ბადეს. მაგალითად, ერთი ბრენდის "M" ზომა შესაძლოა მეორეს "S" ან "L" ზომას შეესაბამებოდეს.

თავის ფორმა

იმისთვის, რომ ჩაფხუტი რაიდერმა სწორად მოირგოს, მხოლოდ გარშემოწერილობა საკმარისი არ არის. ადამიანის თავის ფორმა 3 ძირითად კატეგორიად იყოფა:

გრძელი ოვალი (Long Oval): თავი უფრო გრძელია წინიდან უკან, ვიდრე გვერდიდან გვერდზე.

შუალედური ოვალი (Intermediate Oval): ყველაზე გავრცელებული ფორმა (ოდნავ გრძელი წინიდან უკან).

მრგვალი ოვალი (Round Oval): სიგრძე და სიგანე თითქმის თანაბარია.

თუ ჩაფხუტი შუბლზე გიჭერთ, მაგრამ გვერდებზე თავისუფალია, თქვენ "გრძელი ოვალი" გაქვთ და გჭირდებათ მოდელი, რომელიც ამ ანატომიაზეა მორგებული.

მორგების ტესტი

როცა ჩაფხუტს მოირგებთ, ის უნდა იყოს მჭიდრო, მაგრამ არა მტკივნეული.

ჩაფხუტის ბალიშები ლოყებზე მჭიდროდ უნდა გებჯინებოდეთ. ნუ შეგეშინდებათ ამ სიმჭიდროვის – 10-15 საათის გამოყენების შემდეგ შიდა მასალა (ღრუბელი) თქვენს ფორმას მიიღებს.

მოუჭირეთ ხელი ჩაფხუტის ქვედა ნაწილს და სცადეთ თავის შიგნით ამოძრავება. თუ ჩაფხუტი კანზე სრიალებს და თავთან ერთად არ მოძრაობს, ის დიდია.

უსაფრთხოების 5-წუთიანი წესი

ჩაფხუტის ყიდვისას არ იჩქაროთ. მოირგეთ ის და მინიმუმ 5-10 წუთი არ მოიხსნათ. ხშირად "წნევის წერტილები" (ადგილები, სადაც ჩაფხუტი აუტანლად გიჭერთ) მხოლოდ რამდენიმე წუთის შემდეგ იჩენს თავს. 

თუ 10 წუთის შემდეგ თავის ტკივილი ან შუბლის არეში ძლიერი დისკომფორტი იგრძენით, ეს ზომა ან ფორმა თქვენთვის არ არის.

როდის უნდა შევცვალოთ ჩაფხუტი?

თუ ჩაფხუტი თუნდაც ერთხელ დაგივარდათ ასფალტზე ან მოხვდით ავარიაში, ის აუცილებლად უნდა შეიცვალოს. შიდა დამცავი ფენა (EPS) ერთჯერადია და დარტყმის შემდეგ ფუნქციას კარგავს.

საშუალოდ, ჩაფხუტის ექსპლუატაციის ვადა 5 წელია. დროთა განმავლობაში მასალები (წებო, პლასტმასი, ღრუბელი) სტრუქტურას იცვლის.

ჩაფხუტის შერჩევა ინდივიდუალური და საპასუხისმგებლო პროცესია. ჩვენ გელოდებით “პიტსტოპ მოტოს” შოურუმში, სადაც ჩვენი ექსპერტები დაგეხმარებიან როგორც დახურული, ისე მოდულარ და ღია ჩაფხუტების შეძენაში. არა მხოლოდ ზომის, არამედ თქვენი მართვის სტილისთვის შესაბამისი მოდელის პოვნაში.