რატომ კარგავს მუხრუჭი ეფექტურობას? - ყველაფერი სამუხრუჭე სისტემის მოვლის შესახებ

მოტოციკლის მართვისას სიჩქარის განვითარება ადვილია, თუმცა მისი დროულად და უსაფრთხოდ შეჩერება - კრიტიკულად მნიშვნელოვანი. სამუხრუჭე სისტემა შენი უსაფრთხოების მთავარი გარანტიაა, ამიტომ მისი ყოველი დეტალი მუდმივ ყურადღებასა და სწორ მოვლას მოითხოვს.

ხშირად ბაიკერები მუხრუჭებს მხოლოდ მაშინ აქცევენ ყურადღებას, როცა სისტემა ხმას გამოსცემს ან ეფექტურობას კარგავს. რეალურად კი, პრობლემის პრევენცია ბევრად მარტივი და უსაფრთხოა. 

მოტო მაღაზია “პიტსტოპ მოტო” კი ამ ბლოგპოსტში განიხილავს მოტოციკლის სამუხრუჭე სისტემის მოვლის მთავარ წესებს. 

სამუხრუჭე ხუნდები - როდის არის მათი შეცვლის დრო?

სამუხრუჭე ხუნდები მუდმივი ხახუნის გათვალისწინებით, ცვეთად მასალად მიიჩნევა.  

ხუნდების უმრავლესობას აქვს სპეციალური ღარები. თუ ეს ღარები თითქმის გაქრა ან ხუნდის სისქე 2 მილიმეტრზე ნაკლებია, მათი შეცვლა სასწრაფოა.

თუ მოტოციკლის ხუნდების სამუშაო ფენა ბოლომდე გაიცვითა, ლითონი ლითონზე დაიწყებს ხახუნს. ეს არა მხოლოდ მკვეთრად შეამცირებს დამუხრუჭების ძალას, არამედ მომენტალურად დააზიანებს და გააფუჭებს ძვირადღირებულ სამუხრუჭე დისკს.

სამუხრუჭე სითხე - უხილავი საფრთხე

სამუხრუჭე სითხე დროთა განმავლობაში გარემოდან ტენს/წყალს იწოვს.

წყლის დუღილის ტემპერატურა ბევრად დაბალია, ვიდრე სამუხრუჭე სითხის. ინტენსიური დამუხრუჭებისას სისტემა ცხელდება, სითხეში არსებული წყალი დუღდება, ჩნდება ჰაერის ბუშტუკები და მუხრუჭის სახელური „რბილდება“ ან საერთოდ ვარდება.

სამუხრუჭე სითხე (DOT 4 ან DOT 5.1, მოტოციკლის სპეციფიკაციის მიხედვით) უნდა შეიცვალოს ყოველ 2 წელიწადში ერთხელ, მიუხედავად იმისა, ბევრი იარეთ თუ ცოტა. თუ სითხემ ფერი იცვალა და გამუქდა, ეს მისი დაბინძურების პირველი ნიშანია.

სამუხრუჭე დისკები და მათი გეომეტრია

სამუხრუჭე დისკები უძლებს უზარმაზარ თერმულ და მექანიკურ დატვირთვას, თუმცა პერიოდულად აუცილებლად უნდა შეამოწმოთ დისკის ზედაპირი - მასზე არ უნდა იყოს ღრმა ნაკაწრები ან არათანაბარი ცვეთა.

თუ მუხრუჭზე დაჭერისას სახელურში ან საჭეში ვიბრაციას გრძნობთ, ეს ნიშნავს, რომ დისკმა მაღალი ტემპერატურული ცვალებადობის გამო გეომეტრია დაკარგა, და შესაცვლელია.

სისტემის სისუფთავე

მოტოციკლისა და მოპედების რეცხვისას ხშირად ავიწყდებათ სამუხრუჭე სუპორტების მიდამოები. იქ გროვდება გზის მტვერი, ნაგავი და თავად ხუნდების ცვეთის შედეგად გაჩენილი ნაწილაკები. გამოიყენეთ სპეციალური სამუხრუჭე სისტემის გამწმენდი სპრეი (Brake Cleaner), რომელიც აცილებს ცხიმსა და ჭუჭყს დაზიანების გარეშე აშორებს. 

სამუხრუჭე სისტემასთან კომპრომისები არ არსებობს, ამიტომ, თუ რაიმე საეჭვოს გრძნობთ, ნუ გადადებთ დიაგნოსტიკას! 

დიაგნოსტიკის შემდეგ კი მოტოციკლის ნაწილები “პიტსტოპ მოტოს” შოურუმში შეგიძლიათ შეიძინოთ რაფაელ აგლაძის 11ა-ში! 

ჩვენი პროფესიონალი კონსულტანტები თქვენი მოტოციკლის მონაცემებზე მაქსიმალურად მორგებული პროდუქტის შეძენაში დაგეხმარებიან.