უსაფრთხოების წესები ქალაქში მოძრაობისას – "პიტსტოპ მოტოს" რჩევები დამწყებ ბაიკერებს

ქალაქში მოტოციკლით გადაადგილება ნამდვილი თავისუფლებაა - თქვენ ივიწყებთ საცობებს და ზოგავთ დროს. თუმცა, ურბანული გარემო სავსეა მოულოდნელობებით, სადაც დამწყები ბაიკერისთვის უსაფრთხოების წესების ცოდნა გადამწყვეტია.

მოტოციკლების მაღაზია „პიტსტოპ მოტო“ გთავაზობთ 5 ოქროს წესს, რომლებიც დაგეხმარებათ ქალაქის ქაოტურ მოძრაობაში თავი დაცულად იგრძნოთ და მართვისგან მაქსიმალური სიამოვნება მიიღოთ.

იმოქმედე პრინციპით: „შენ ხარ უხილავი“

ეს არის მოტოციკლისტის ფსიქოლოგიის მთავარი წესი. არასოდეს იფიქრო, რომ ავტომობილის მძღოლი გხედავს, თუნდაც მას პირდაპირ უყურებდე. ავტომობილის მძღოლის მზერა ხშირად დიდ ობიექტებს (სხვა მანქანებს, ავტობუსებს) ეძებს, ხოლო მოტოციკლი მათ აღქმაში იფილტრება.

რჩევა: ყოველთვის დაიტოვე მანევრისა და დამუხრუჭებისთვის საჭირო დისტანცია. იყავი მზად იმისთვის, რომ მანქანამ შესაძლოა გზა გადაგიჭრას ან მკვეთრად დაამუხრუჭოს.

მოერიდე ავტომობილის ბრმა ზონებს

ყველა სატრანსპორტო საშუალებას აქვს არეალი, სადაც მძღოლი სარკეებში ვერაფერს ხედავს. განსაკუთრებით საშიშია სატვირთო მანქანებისა და ავტობუსების გვერდითი ზონები.

რჩევა: ნუ იმოძრავებ მანქანის უკანა მარჯვენა ან მარცხენა ფრთის პარალელურად. ან სწრაფად გაასწარი მას (წესების ფარგლებში), ან ჩამორჩი ისე, რომ მძღოლის უკანა ხედვის სარკეში შენი თავი ჩანდეს.

ზოლებს შორის მოძრაობა

საცობში მანქანებს შორის გავლა მოპედების ერთ-ერთი მთავარი პლუსია, თუმცა აქ სიფრთხილეა საჭირო.

რჩევა: როცა ზოლებს შორის მოძრაობ, შენი სიჩქარე არ უნდა აღემატებოდეს ნაკადის სიჩქარეს 10-15 კმ/სთ-ზე მეტით. ნებისმიერ მომენტში შეიძლება მანქანის მძღოლმა კარები გააღოს. განსაკუთრებული ყურადღება მიაქციე ავტომობილების მოხვევის ციმციმებს.

საფრთხეები გზის საფარზე

ის, რაც მანქანისთვის უმნიშვნელო დეტალია, მოტოციკლისთვის შეიძლება საბედისწერო აღმოჩნდეს.

რას მოვერიდოთ: ქალაქის გზებზე განსაკუთრებით სახიფათოა საკანალიზაციო ჭის ლითონის თავსახურები, გზაზე დახაზული თეთრი ზოლები (განსაკუთრებით წვიმაში, რადგან საშინლად სრიალებს), ნავთობისა და ანტიფრიზის ლაქები გზაჯვარედინებზე და ქვიშა/ხრეში მოსახვევებში. ასეთ მონაკვეთებზე მოტოციკლი მაქსიმალურად სწორად (გადახრის გარეშე) უნდა გეჭიროთ და მოერიდოთ მკვეთრ დამუხრუჭებას.

სრული ეკიპირება ნებისმიერ სიტუაციაში 

„აქვე, მაღაზიაში მივდივარ“ - ეს ყველაზე გავრცელებული შეცდომაა დამწყებ მძღოლებში. სტატისტიკურად, ავარიების უმეტესობა სახლიდან 5 კილომეტრის რადიუსში, დაბალ სიჩქარეზე ხდება.

რჩევა: ჩაფხუტი, მოტო-ხელთათმანები, დამცავიანი ქურთუკი და შესაბამისი ფეხსაცმელი შენი ყოველდღიური ფორმა უნდა გახდეს. სიცხე არ არის მიზეზი ეკიპირებაზე უარის სათქმელად. ამისთვის არსებობს სპეციალური საზაფხულო, ვენტილირებადი მოდელები.

ქალაქში მართვა მოითხოვს 100%-იან კონცენტრაციას. ნუ აჰყვები ემოციებს, მართე მშვიდად და შენი მგზავრობა ყოველთვის უსაფრთხო იქნება! 

ყველაფერი, რაც შენს მოტოციკლს სჭირდება კი “პიტსტოპ მოტოს” შოურუმში შეგიძლია შეიძინო რაფაელ აგლაძის 11ა-ში ყოველდღე 10:00-დან 19:00-მდე!