მოტო ეკიპირების საუკეთესო ბრენდები - ვის ვანდოთ ჩვენი უსაფრთხოება?

მოტოსამყაროში ბრენდი მხოლოდ სახელი არ არის - ეს არის ათასობით ტესტირება, ინჟინერია და რეალურ ავარიებში მიღებული გამოცდილება. 

თუ გსურთ, რომ თქვენი ინვესტიცია მოტოციკლის ეკიპირებაში მაქსიმალურად ეფექტური იყოს, არჩევანი იმ მწარმოებლებზე უნდა შეაჩეროთ, რომლებიც სტანდარტებს თავად აწესებენ.

მოტო მაღაზია “პიტსტოპ მოტო” ამ ბლოგპოსტში გაგაცნობთ მოტო ეკიპირების ინდუსტრიაში საუკეთესო ბრენდებს, რომლებსაც თამამდ შეგიძლიათ ჩააბაროთ თქვენი უსაფრთხოება. 

1. ჩაფხუტები: უსაფრთხოების ეპიცენტრი

ჩაფხუტი თქვენი აღჭურვილობის ყველაზე მნიშვნელოვანი ნაწილია. აქ კომპრომისი და თანხის დაზოგვა უსაფრთხოების ხარჯზე დაუშვებელია.  

ჩაფხუტების წამყვან ბრენდებს შორის საუკეთესოა:

• Shoei & Arai - იაპონური გიგანტები, რომლებიც ხარისხის ეტალონად ითვლება. Shoei ცნობილია თავისი აეროდინამიკითა და კომფორტით, ხოლო Arai აქცენტს თავის ქალის ფორმის მაქსიმალურ იმიტაციაზე აკეთებს;
• Bell -  ამერიკული ლეგენდა, რომელიც საუკეთესოა მათთვის, ვისაც რეტრო სტილისა და თანამედროვე ტექნოლოგიების სინთეზი სურს. ბრენდის კატალოგში წარმოდგენილია ღია ჩაფხუტებიც. 
• Caberg - იტალიური ბრენდი, რომელიც განსაკუთრებით პოპულარულია თავისი მოდულარ ჩაფხუტებით, რაც ქალაქში მგზავრობას ბევრად კომფორტულს ხდის.

2. ხელთათმანები - კონტროლი და დაცვა

ხელები პირველია, რაც დაცემისას მიწას ეხება. სწორედ ამიტომ, ხელთათმანი უნდა იყოს გამძლე და ამავდროულად მოქნილი.

ამ კატეგორიაში Knox გამოირჩევა თავისი ინოვაციური "SPS" (Scaphoid Protection System) სისტემით, რომელიც ხელისგულზე არსებული სლაიდერებით მაჯის მოტეხილობის რისკს მინიმუმამდე ამცირებს. Alpinestars და Revit გვთავაზობენ უმაღლესი ხარისხის ტყავის ხელთათმანებს როგორც სპორტული, ისე ყოველდღიური ტარებისთვის. ხოლო თუ ბიუჯეტურ, თუმცა საიმედო ენდურო ან Off-road ვარიანტს ეძებთ, Acerbis შეუცვლელია.

3. ქურთუკები და შარვლები

ტანის დაცვა მოითხოვს მასალას, რომელიც ასფალტზე ხახუნს უძლებს. ამ კატეგორიებში საუკეთესოა: 

Alpinestars - გლობალური ლიდერი, რომლის მოტო ეკიპირება MotoGP World Championship-ში გამოიყენება რბოლის მონაწილეების მიერ. მათი ტყავის კომბინიზონები და ქურთუკები ინდუსტრიის სტანდარტად იქცა უსაფრთხოებაში.  

Revit - იდეალურია მათთვის, ვისაც სურს ეკიპირება ჩვეულებრივ ტანსაცმელს ჰგავდეს, თუმცა ჰქონდეს მაღალი დაცვა და გამძლეობა.

Knox - ბრიტანული ბრენდი, რომელიც სპეციალიზებულია "Armoured Shirts" ტიპის ეკიპირებაზე - მსუბუქი, სუნთქვადი და ძალიან მყარი დაცვით.

4. დამცავები და აქსესუარები

ზოგჯერ ჩაშენებული დაცვა საკმარისი არ არის და საჭიროა დამატებითი ფენები. Alpinestars და Revit ქმნიან საუკეთესო ხერხემლისა და მკერდის დამცავებს, რომლებიც ნებისმიერი ქურთუკის შიგნით თავსდება. თუ თქვენი სტილი უფრო ექსტრემალურია (ენდურო, მოტოკროსი), Acerbis-ის მუხლისა და იდაყვის გარე დამცავები საუკეთესო არჩევანია დარტყმისგან დასაცავად.

თუ გსურთ, ეს ბრენდები თავად შეარჩიოთ, ეწვიეთ ჩვენს შოურუმს რ.აგლაძის 11ა-ში. ჩვენი პროფესიონალი კონსულტანტები სასურველი პროდუქტის შერჩევაში დაგეხმარებიან!