მოტო ეკიპირების 5 გადამწყვეტი დეტალი თქვენი უსაფრთხოებისთვის

დამწყები ბაიკერები ხშირად ფიქრობენ, რომ მოტოციკლის მართვისას მხოლოდ ჩაფხუტის ტარება საკმარისია, თუმცა რეალობა სრულიად სხვაგვარია. 

სრული ეკიპირება ერთიანი სისტემაა, რომელშიც თითოეულ დეტალს თავისი ფუნქცია აქვს. 

მოტო მაღაზია “პიტსტოპ მოტო” კი გთავაზობთ 5 კომპონენტს მოტო ეკიპირებაში, რომელზეც თქვენი სიცოცხლე პირდაპირაა დამოკიდებული

1. ხერხემლის დამცავი (Back Protector)

ბევრ მოტოციკლის ქურთუკს ზურგის არეში მოჰყვება უბრალო, რბილი ღრუბელი, რომელიც მხოლოდ ფორმის შესანარჩუნებლადაა. ნამდვილი დაცვა კი არის CE-სერტიფიცირებული (Level 1 ან 2) მყარი ფილა. 

ეს დეტალი ისეა კონსტრუირებული, რომ დარტყმის მომენტში ენერგია ერთ წერტილში კი არ მოხვდეს ხერხემალს, არამედ მთელ ზედაპირზე გადანაწილდეს და ამით შეამციროს დაზიანების ხარისხი. 

2. ხელთათმანების „სლაიდერები“

მოპედის ან მოტოციკლის მართვისას, ავარიისა და დაცემის შემთხვევაში, ბუნებრივი ინსტინქტია ხელების წინ გაშვერა. სწორედ ამიტომაა განსაკუთრებული მნიშვნელობის ხელთათმანის შემდეგი დეტალები: 

• ხელისგულის სლაიდერები: პლასტმასის ან კერამიკის მყარი დეტალები, რომლებიც ასფალტზე სრიალის საშუალებას გაძლევთ. ეს თავიდან აგაცილებთ ხელის „გაჭედვას“ და მაჯის მოტეხილობას.
• ნეკა თითის დაცვა: ბევრ სპორტულ მოდელში ნეკა და არათითი ერთმანეთზეა გადაბმული, რათა დაცემისას ნეკა არ ამოვარდეს ან არ გადატყდეს.
• თითის სახსრების დაცვა: იცავს თითებსა და სახსრებს პირდაპირი დარტყმისგან.

3. ფეხსაცმლის კოჭის ფიქსაცია

ჩვეულებრივი ბოტასი ან კლასიკური ფეხსაცმელი პირველივე წამს სძვრება ფეხს ასფალტზე ხახუნისას. ნამდვილ მოტო-ფეხსაცმელს აქვს მყარი ძირი, რომელიც არ იღუნება და კოჭის არეში ჩამონტაჟებული სპეციალური დამცავები. ეს კონსტრუქცია ხელს უშლის ფეხის ტერფის სახიფათო გადაბრუნებას და იცავს წვივის ძვალს მოტოციკლის ქვეშ მოყოლის შემთხვევაში.

4. მუხლისა და თეძოს დამცავები

შარვალი მხოლოდ იმიტომ არ გვჭირდება, რომ არ გავცივდეთ ან მტვერი არ მოგვხვდეს. დაცემისას მუხლი ერთ-ერთი პირველი წერტილია, რომელიც ასფალტთან კონტაქტში შედის. მნიშვნელოვანია, რომ შარვალს ჰქონდეს არა მხოლოდ მუხლის, არამედ თეძოს დამცავებიც. 

მოტო ეკიპირების შერჩევისას, თეძოს დამცავის შეძენა ხშირად ავიწყდებათ, თუმცა გვერდულად დაცემისას სწორედ ის იღებს დარტყმის მთავარ ძალას, რაც მენჯის ძვლის დაზიანების რისკს საგრძნობლად ამცირებს.

5. ჩაფხუტის სწორი ზომა და „Double-D“ ღვედი

ყველაზე ძვირადღირებული ჩაფხუტიც კი უსარგებლოა, თუ ის თავზე თავისუფლად მოძრაობს ან ყელის ღვედი არ გაქვთ შეკრული.

ჩაფხუტი მჭიდროდ უნდა ებჯინებოდეს ლოყებს და შუბლს, ისე რომ თავის გაქნევისას არ ირყეოდეს. საუკეთესოა Double-D ტიპის რგოლებიანი შესაკრავი, რომელიც არასოდეს იხსნება დაჭიმვისას.

ასევე ვიზორი უნდა იყოს ნაკაწრებისგან სუფთა, რათა ღამით ან წვიმაში გზის ხილვადობა არ შეიზღუდოს და ავარიული სიტუაცია არ შექმნას.