ენდურო

მოტოციკლის რთულ რელიეფზე მართვა ერთ-ერთი ყველაზე სახალისო ექსტრემალური აქტივობაა. იმისთვის, რომ მოტოციკლის მძღოლმა ასეთი აქტივობისგან მაქსიმალური სიამოვნება მიიღოს, აუცილებელია შესაბამისი ეკიპირების შერჩევა. 

Off-road-ზე მოტოციკლის მართვისთვის კი აუცილებელია არამხოლოდ შესაფერისი მოტოციკლები, არამედ შესაბამისი ფეხსაცმელიც შეარჩიოთ. მსგავსი აქტივობებისთვის იდეალურია ენდურო ფეხსაცმელი. ჩვენს ცენტრში წარმოდგენილია Alpinestars-ის, Acerbis-ისა და სხვა მსოფლიო მწარმოებლების ენდურო ფეხსაცმელები. ისინი უმაღლესი ხარისხის მასალებით არის დამზადებული.

ენდურო ფეხსაცმელების მნიშვნელოვანი მახასიათებლები და ფუნქციები

ენდურო ფეხსაცმელების მთავარი დანიშნულებაა ტერფისა და წვივის დაცვა მძიმე ტრავმებისგან. 

მისი ძირითადი უპირატესობებია: 

თერმორეგულაცია - ენდურო ფეხსაცმელი მძიმე ფიზიკური დატვირთვისთვისაა შექმნილი. ის ცხელი ამინდის პირობებში ჰაერის ცირკულაციას უზრუნველყოფს ფეხსაცმლის შიგნით. ეს ძალიან მნიშვნელოვანია როგორც ტერფის ჯანმრთელობისთვის, ისე მძღოლის კომფორტისთვის.  

წყალგაუმტარობა - ენდურო ფეხსაცმელი უძლებს როგორც ცხელ, ისე წვიმიან ამინდს. 

ტერფის მექანიკური დაცვა - Off-road-ზე მართვისას მძღოლის ფეხს უამრავი საფრთხე ემუქრება: ქვები, ეკლიანი ბუჩქები, სხვადასხვა ნარჩენები და ა.შ. 

დაღლილობის შემცირება - ენდურო ფეხსაცმლის სპეციალური ფორმა ხელს უწყობს ფეხისა და კოჭის დაღლილობის შემცირებას. 

რისგან შედგება ენდურო ფეხსაცმელი? 

1. გარე დამცავი, რომელიც ძირითად შემთხვევებში ლითონის ან პლასტმასის ელემენტებისგან არის დამზადებული; 
2. შიდა დამცავი, რომელიც ტყავისგან არის დამზადებული და არის მძღოლისთვის განსაკუთრებით კომფორტული. 

როგორ შევარჩიოთ ენდურო ფეხსაცმელი?

ენდურო ფეხსაცმლის სწორად არჩევა მრავალი ფაქტორის გათვალისწინებას მოითხოვს. იმისთვის, რომ ფეხსაცმელი თქვენს საჭიროებებს სრულყოფილად შეესაბამებოდეს, გირჩევთ შემდეგი ასპექტები გაითვალისწინოთ:

გამოყენების სტილი - თუ ენდურო ფეხსაცმლის გამოყენებას ექსტრემალური სპორტისთვის აპირებთ, გირჩევთ მაღალი დაცვის მქონე მოდელი შეარჩიოთ. მიაქციეთ ყურადღება ფეხსაცმლის დაცვითი ელემენტების რაოდენობასა და ხარისხს. ღერძის დაცვის ინოვაციური სისტემები და კომფორტული შიდა ლაინერი განსაკუთრებით მნიშვნელოვანია გრძელვადიანი გამოყენებისთვის. მსგავსი მოგზაურობებისთვის ასევე გირჩევთ მოტოციკლის ხელთათმანები შეარჩიოთ. 

ამინდი - თუ ხშირად ტარებთ ტენიან პირობებში, აირჩიეთ წყალგაუმტარი ფეხსაცმელები, რომლებიც ზღუდავს ტენიანობისა და ლაპის შეღწევას.

კომფორტი - ხარისხიანი ენდურო ფეხსაცმელები მზადდება გამძლე მასალისგან, რომელიც არამხოლოდ მაქსიმალურ დაცვას, არამედ მძღოლის კომფორტსაც უზრუნველყოფს. შერჩევისას თქვენი კომფორტიც აუცილებლად გაითვალისწინეთ. 

ზემოთ ჩამოთვლილი ყველა ფაქტორის გათვალისწინებით, თქვენ შეძლებთ ისეთი ენდურო ფეხსაცმლის არჩევას, რომელიც თქვენს ყველა მოთხოვნას დააკმაყოფილებს. 

“პიტსტოპ მოტოში” ჩვენი პროფესიონალი კონსულტანტები სასურველი პროდუქტის მარტივად შერჩევაში დაგეხმარებათ.